Ru
20:54 / 01 Dekabr 2020

“Ağdamın azad olunmasına görə” medalı bu şəxslərə veriləcək FOTO

6286
Prezident İlham Əliyev “Ağdamın azad olunmasına görə” Azərbaycan Respublikası medalı haqqında Əsasnaməni təsdiqləyib.

“Ağdamın azad olunmasına görə” Azərbaycan Respublikasının medalı ilə Azərbaycan Respublikasının Ağdam rayonunun işğaldan azad edilməsi uğrunda aparılmış döyüş əməliyyatlarında iştirak etmiş Azərbaycan Respublikası Silahlı Qüvvələrinin hərbi qulluqçuları təltif edilir.

“Ağdamın azad olunmasına görə” Azərbaycan Respublikasının medalı döşün sol tərəfinə, Azərbaycan Respublikasının digər orden və medalları olduqda, “Kəlbəcərin azad olunmasına görə” medalından sonra taxılır.

“Ağdamın azad olunmasına görə” Azərbaycan Respublikasının medalı (bundan sonra – medal) bürüncdən tökülmüş və qızıl suyuna çəkilmiş, diametri 36 mm olan dairəvi lövhədən ibarətdir.

Medalın ön tərəfinin kənarları bəzəkli naxışlarla konturlanmışdır. Bəzəkli konturdan medalın daxilinə doğru, xarici və daxili çevrələrlə konturlanmış dairəvi lövhə təsvir olunmuşdur. Xarici və daxili çevrələrin arasında, yuxarı qövs boyunca “AĞDAM”, aşağı qövs boyunca “20 NOYABR 2020” sözləri yazılmışdır. “20 NOYABR 2020” sözlərindən sol və sağ tərəflərdə, aşağıdan yuxarıya doğru dəfnə çələngləri təsvir olunmuşdur. “AĞDAM” sözü ilə dəfnə çələnglərinin arasında iki səkkizguşəli ulduz və kompozisiyanı tamamlayan xətlər təsvir olunmuşdur. Daxili çevrənin içərisində, doğan günəş şüaları fonunda at belində Azərbaycan Respublikasının Dövlət Bayrağını aparan Azərbaycan əsgəri təsvir olunmuşdur. Bütün elementlər və yazılar relyefli olaraq qabarıqdır.

Medalın arxa tərəfində xarici və daxili çevrələrlə konturlanmış lövhənin üzərində qövs boyunca “AĞDAMIN AZAD OLUNMASINA GÖRƏ” sözləri yazılmışdır. Lövhənin aşağı hissəsinin mərkəzində səkkizguşəli ulduz, ulduzla sözlərin arasında isə kompozisiyanı tamamlayan xətlər təsvir olunmuşdur. Medalın arxa tərəfinin mərkəzində medalın seriyası və nömrəsi həkk olunmuşdur. Bütün elementlər və yazılar relyefli olaraq qabarıqdır.

Medal paltara bərkidilmək üçün elementi olan, 37 mm x 50 mm ölçülü beşbucaqlı xara lentə iki halqa və ilgək vasitəsilə birləşdirilir. Xara lentin mərkəzində 10 mm enində qızılı rəngli şaquli zolaq, qızılı rəngli zolaqdan sol və sağ kənarlara doğru ardıcıl olaraq 8 mm enində bir göy rəngli və 5.5 mm enində bir qızılı rəngli şaquli zolaqlar təsvir olunmuşdur. Medala paltarın yaxasına bərkidilmək üçün elementi olan, eyni xara lentdən üz çəkilmiş 37 mm x 10 mm ölçülü qəlib əlavə olunur.
Şərhlər
  • Qasım Mustafayev

    Agdamda istirak edib

  • Xətai Feyzullayev

    Agdam

  • Huseynov Seid

    Qebele

  • Mirzeyev Samir Mirze oglu

    Salam mende Suqovuşan,Xocavend ve Agdam istiqametinde geden döyusde istirak etmisem menim niye adim siyahida yoxdur xaiş edirem bu barede mene kömek edesiniz

  • Muradov Fariz Agaddin

    Medal verilib

  • Qarayev tural

    Agdam

  • Shixeliyev Elmin

    Bu orduda kim kimedi bilinmir zaten doyuwde can qoyanlar qalib qiraqda her hansi rutbelilerin qohumlari 3 4 medal aliblar, mrnim manqamda esger var idi fizulide doyuwe cixarda bilmirdik day day wotuna hospitalda yatib doyuw boyunca imdi cesur doyuwcu ustelik elave iki medal alib hara baxirlar anlamiram neyniyek indi bizim day dayimiz yoxdu?! Esger yoldawlarim yaralaniblar hele biri 3 emeliyyat kecirdib 4 emeliyyati qalib onada hecne duwmeyib bu ne edaletsizlikdi

  • Qasımov Məhəmməd

    Men Qasımov Mehemmed İsgender oğlu esger döyüşde işdrekçı olmşam neye mene medal düşmüyüb????

  • KamranEzizov

    Medalla teltif olunubmu?siyahida adi varmi

  • KamranEzizov

    Medalla teltif olunubmu?siyahida adi varmi

  • KamranEzizov

    Medalla teltif olunubmu?siyahida adi varmi

  • KamranEzizov

    Siyahi varmi?medallarin siyahisi

  • Sohret namazov

    Sohret3232

  • Sohret namazov

    Sohret32

  • Ləman ismayılova

    Bəs siyahı yoxdurmu?digər medallarda siyahı var idi

Bizi telegram-da izləyin
Bizi facebook-da izləyin
Bizi tiktok-da izləyin
Bizi youtube-da izləyin





Son xəbərlər
Çox oxunanlar
Son xəbərlər