Ru
17:45 / 20 May 2022

Abşeronda Vətən Müharibəsi Qəhrəmanına həsr edilmiş turnir keçirildi - FOTO

2847
Müzəffər Ali Baş Komandan, Azərbaycan Respublikasının Prezidenti cənab İlham Əliyevin rəhbərliyi ilə xalqımızın qələbə qazandığı Vətən Müharibəsində igidliklə döyüşərək şəhidlik zirvəsinə yüksələn və ölümündən sonra Vətən Müharibəsi Qəhrəmanı adına layiq görülən, o cümlədən “Vətən uğrunda”, “Şuşanın azad olunmasına görə”, “Cəbrayılın azad olunmasına görə”, “Füzulinin azad olunmasına görə” medalları ilə təltif olunan Niftəliyev Mehrab Söhrab oğlunun xatirəsinə həsr edilmiş mini futbol turniri keçirilib.

Bakupost.az xəbər verir ki, Xırdalan şəhərində baş tutan turniri Abşeron Rayon İcra Hakimiyyətinin humanitar məsələlər üzrə başçının müavini, YAP Abşeron Rayon Təşkilatının sədri, rayon Gənclər və İdman İdarəsinin nümayəndələri, şəhid ailələri və qazilər, futbolsevərlər izləyiblər. Final matçından əvvəl şəhidlərin əziz xatirəsi bir dəqiqəlik sükutla yad edilib, ruhlarına dualar oxunub, sonra Dövlət Himni səsləndirilib.

2 yaş qrupu üzrə keçirilən yarışda ümumilikdə 16 komanda iştirak edib. Mərasimdə çıxış edənlər bildirib ki, 44 günlük Vətən müharibəsi ilə tarixi qələbəyə çevrilən Zəfər salnaməsi tariximizin ən parlaq səhifəsinə, Azərbaycan xalqının iftixar və qürur mənbəyinə çevrilib. Bu möhtəşəm qələbəni, hədsiz sevinci, böyük xoşbəxtliyi Ali Baş Komandanın qətiyyəti, siyasi iradəsi, ordumuzun şücaəti, qəhrəmanlığı, qorxmaz, cəsur əsgərlərimizin canı, müqəddəs, ölməz şəhidlərimizin qanı, xalqımızın birliyi hesabına qazandıq.

Daha sonra qalib və mükafatçı komandalara diplom və medallar təqdim edilib.

Sonda tanınmış incəsənət nümayəndələri tərəfindən rəşadətli Azərbaycan Ordusunu və qələbəni tərənnüm edən vətənpərvərlik mahnıları səsləndirilib.
Abşeronda Vətən Müharibəsi Qəhrəmanına həsr edilmiş turnir keçirildi - FOTO
Abşeronda Vətən Müharibəsi Qəhrəmanına həsr edilmiş turnir keçirildi - FOTO
Abşeronda Vətən Müharibəsi Qəhrəmanına həsr edilmiş turnir keçirildi - FOTO
Bizi telegram-da izləyin
Bizi facebook-da izləyin
Bizi tiktok-da izləyin
Bizi youtube-da izləyin
Şərhlər
Son xəbərlər
Çox oxunanlar
Son xəbərlər