Ru
18:08 / 25 Yanvar 2023

Adil Əliyevdən Erkin Qədirliyə ağır sözlər: “Sənin açıqlaman ermənilərin işinə yarayır” - VİDEO

6779
Milli Məclisin vitse-spikeri Adil Əliyev həmkarı Erkin Qədirlini kəskin tənqid edib.

Bakupost.az xəbər verir ki, vitse-spiker bildirib ki, onun məsuliyyətsiz açıqlaması ermənilərin işinə yarayır:

Deməli əlindəki telefonla həm “operatorluq”, həm də “jurnalistik” etməyə çalılşan birisi qarşısına keçən millət vəkillərindən birindən soruşub ki, “mənə bir deputatın adını çəkin ki, xalqın səsini qazanıb”. Özünü müxalifətin nümayəndəsi sayan həmin millət vəkili blogerliyə iddia edən “jurnalistin” sualına cavab verə bilmirsə, bu o demək deyil ki, bütün millət vəkillərinə qara yaxmalıdır. Müxalifətdən olan millət vəkilinə verilən suala mən konkret cavab verirəm: “Adil Əliyevin necə millət vəkili seçildiyini və seçicilərinin problemlərinə necə yanaşdığını 20 saylı Nərimanov ikinci seçki dairəsindən öyrənə bilərsiniz. Bəli, mən seçicilərimin səsi ilə millət vəkili seçilmişəm”.

Sözüm “mən özüm haqqımda deyə bilmərəm ki, demokratik yolla seçilmişəm” deyən millət vəkilinədir: “Demokratik yolla seçilmədiyinizi bildirirsinizsə, nədən Milli Məclisin işində iştirak edirsiniz? Uzaqbaşı cavab verə bilərdiniz ki, “başqasının yerinə danışa bilmirəm, ancaq mən demokratik yolla seçilməmişəm”. Özünüzün seçildiyinizə əmin deyilsinizsə, ümumilikdə Azərbaycan Parlamentinə niyə kölgə salırsınız? Axı Siz millət vəkili mandatıyla tək parlamentin işində iştirak etmirsiniz, ölkəmizi müxtəlif beynəlxalq təşkilatlarda təmsil edir, konfrans və seminarlara qatılırsınız. Sizin məntiqsiz cavabınız hazırki həssas məqamda Azərbaycana qarşı informasiya savaşını genişləndirən Ermənistan hakimiyyəti, erməni separatçıları, erməni lobbisi və onların arxasında olan mərkəzlərin işinə yarayır”.


Qeyd edək ki, Milli Məclisin deputatı Erkin Qədirli son açıqlaması ilə gündəm olub. Bloger Mehman Hüseynovun “Hər deputata bir sual” layihəsində qonaq olan parlamentari etdiyi etirafla sosial şəbəkələrdə müzakirə obyekti olub.
Blogerin “Mənə Milli Məclisdə oturan bir deputatın adını deyə bilərsinizmi ki, o, xalqın səsi ilə parlamentdə oturub?” sualına verdiyi iki cümləlik cavabdan E.Qədirli sonra sosial şəbəkə istifadəçiləri tərəfindən “İlin ən səmimi deputatı” elan olunub.

E.Qədirlinin reaksiyası belə olub: “Vallah, bunu heç özün haqda da deyə bilmərəm. Demokratik seçki olsaydı, bunu əminliklə deyə bilərdim, amma bizim ölkəmizdə demokratik seçki yoxdur”.
Şərhlər
  • Fərman Abdullayev

    Nərimanov rayonu 19/Birinci dairədən seçilmiş Hikmət Babaoğlu Məmmədov saxtakarlıqla seçildi. 17 saylı məntəqədə 1331 seçicidən 121 nəfəri səs vermədə iştirak etdi. Hikmət Babaoğlu cəmi 8 səs topladı və ... millət vəkili oldu. MSK-nın saytında baxa və əmin ola bilərsiniz...

Bizi telegram-da izləyin
Bizi facebook-da izləyin
Bizi tiktok-da izləyin
Bizi youtube-da izləyin

Son xəbərlər
Çox oxunanlar
Son xəbərlər