"Artemis-1" raketi ABŞ kosmodromundan Aya doğru start götürüb.
Bakupost.az xəbər verir ki, NASA raketin buraxılış anını yayımlayıb.
SLS (Space Launch System) daşıyıcı raketi “Orion” kosmik gəmisi ilə “Artemis-1” missiyası çərçivəsində pilotsuz sınaq rejimində havaya qalxıb.
Gəmi missiyanı başa vuraraq dekabrın 11-i Yer kürəsinə geri dönməlidir.
Qeyd edək ki, 2024-cü ildə “Artemis-2” missiyasının həyata keçirilməsinin planlaşdırıldığı bildirlib. 4 astronavtdan ibarət ekipaj Aya göndəriləcək. 2025-ci ildə həyata keçirilməsi nəzərdə tutulan “Artemis-3” missiyası çərçivəsində isə amerikalı astronavtlar Ayın səthinə enəcəklər.
Aynur
BakuPost