Ru
12:55 / 05 Oktyabr 2022

Bakıda mollalar arasında dava - Qabırğası sındı

2874
Bakı şəhəri, Yasamal rayonu ərazisində yerləşən qəbiristanlıqda iki molla arasında baş vermiş dava-dalaşla bağlı açılmış cinayət işi üzrə məhkəmə prosesi keçirilib.



Bakupost.az Qafqazinfo-ya istinadən xəbər verir ki, bu il fevralın 3-də saat 16 radələrində qəbiristanlıqda fəaliyyət göstərən molla Zakir Əliabbas oğlunu döyərək qabırğalarını sındıran həmkarı, 1975-ci il təvəllüdlü İlqar Əliyev Cinayət Məcəlləsinin 127.2.3-cü (qəsdən sağlamlığa az ağır zərər vurma) maddəsi iilə təqsirləndirilib.



Məhkəmədə məlum olub ki, İlqar qəbirlərdən birinin yanında “Quran” oxuyarkən Zakir yaxınlaşaraq ondan müştərisi ilə bağlı söz soruşub. İlqar isə ona kobud cavab verib və müştəri üstündə tərəflər arasında dava başlayıb. Bu zaman İlqar badalaq fəndi işlədərək Zakiri yerə çırpıb. Zərbənin təsirindən Zakirin bir neçə qabırğasında sınıqlar yaranıb.



Hadisədən sonra Zakir polisə etdiyi şikayəti geri götürməsi üçün İlqardan xeyli miqdarda pul tələb edib. Lakin istədiyi məbləği ala bilmədiyi üçün şikayətini geri götürməyib.



Yasamal Rayon Məhkəməsinin 30 sentyabr tarixli hökmü ilə İlqar Əliyevə 3 il müddətinə azadlığın məhdudlaşdırılması cəzası verilib. Ona elektron nəzarət cihazı taxılıb və üzərinə yaşadığı yeri dəyişməmək, təyin edilmiş vaxtlarda ictimai yerlərdə olmamaq öhdəliyi qoyulub.
Şərhlər
  • t.ədalət

    Qəbristanlıq mollaları,adətən ,uşaqbazlıqla məşğul olanların,məhkumluq həyatı yaşayıb həyata adaptasiya ola bilməyənlərin toplumundan ibarətdir.Belə cinayətkar dəstəni zərərsizləşdirmək üçüqn,yaxşı olar ki,qəbristanlıqların girişində əhaliyə lazım olan xidmətləri(məsələn,Yasin oxutdurmaq üçün) göstərmək məqsədi ilə qurumlar yaradılsın.Mollalar da həmin qurumların nəzarətində olsun.Belə olsa,narkotika alverindən tutmuş,uşaqbazlığa kimi olan cinayətlərin sayı xeyli azalar.

Bizi telegram-da izləyin
Bizi facebook-da izləyin
Bizi tiktok-da izləyin
Bizi youtube-da izləyin

Son xəbərlər
Çox oxunanlar
Son xəbərlər