Bu problem dünyanı aclığa doğru aparır - Millət vəkili

Bakupost.az xəbər verir ki, bunu millət vəkili Azər Badamov deyib.

O bildirib ki, Azərbaycanda istehlak edilən ərzaqlıq buğdanın 70 faizi idxal hesabına ödənir. Ona görə də xarici bazardan daimi asılılığımız daxili bazarda da qiymətlərə təsir göstərir:

“Bildiyiniz kimi, Prezident İlham Əliyev ərzaqlıq buğda ilə təminatı üçün daxili istehsalın artırılması ilə bağlı hökumətin qarşısında vəzifə qoyub. Bununla əlaqədar Prezident “Ərzaqlıq buğda ilə özünü təminetmə səviyyəsinin yüksəldilməsinə dair bir sıra tədbirlər haqqında” fərman imzalayıb. Bu fərmana əsasən, Kənd Təsəsrrüfatı Nazirliyi ilə müqavilə bağlayaraq, növbəti 5 ildə müasir suvarma sistemlərinin tətbiqi ilə ərzaqlıq buğda istehsal edəcəyi ilə bağlı öhdəlik götürmüş fermerlərə əlavə subsidiya veriləcək. İlk dəfə olaraq ərzaqlıq buğdanın tədarük qiyməti dövlət tərəfindən müəyyənləşdirir. Bu da fermerə istehsal edəcəyi məhsulun qiymətini qabaqcadan bilməyə imkan verəcək. Yəni bu, məhsul yetişən zaman istehsal olunacaq məhsulun tədarükü ilə bağlı çətinliyin aradan qalxması deməkdir. İşğaldan azad olunan ərazilərimizdə də taxıl əkininə başlanılıb. İlham Əliyevin tapşırığına əsasən, həmin ərazilərin 100 min hektarında taxıl əkiləcək. Növbəti ildən aqrotexniki qaydalara əməl edilməklə müasir suvarma üsullarının tətbiqi ilə taxılın əkilməsi orta məhsuldarılığı artıracaq. Fikrimcə, yaxın 3-5 ildə orta məhsuldarlığın artması və azad olunan ərazilərin dövriyyəyə qaytarılması nəticəsində ərzaqlıq buğdaya olan təlabatın 80 faizə qədərini daxili istehsal hesabınaa ödəyə biləcəyik. Bu da xaricdəki qiymət artımından daxili bazarda un və un məhsulların qiymətlərini sığortalamağa imkan verəcək".