Ru
11:39 / 14 Yanvar 2022

"Digər övladlarımın da tərbiyəsi ilə Zülfiyə müəllimə məşğul olub" - Döyülən körpənin atası

903
"2019-cu il təvəllüdlü uşağımı döyən tərbiyəçi Zülfiyyə Baxışova yaxın qohumumdur”.

Bakupost.az xəbər verir ki, bu barədə Qaynarinfo-ya uşaq bağçasında tərbiyəçi tərəfindən şiddət göstərilən azyaşlının atası, İsmayıllı Peşə Tədris Mərkəzinin direktor müavini Rəşid Mirzəliyev sosial şəbəkələrdə uşaq bağçasında körpəyə qarşı şiddət göstərilməsini əks etdirən görüntülərdən danışarkən deyib.

"Mənim bundan başqa üç övladım da İsmayıllıda 1 saylı uşaq bağçasında təhsil alıb”, - R.Mirzəliyev böyük rezonans doğuran hadisə ilə bağlı saytımıza açıqlamasında bildirib.

O, bunları əlavə edib:

"Hazırda hadisə ilə bağlı istintaq gedir. Özümüz də sözügedən görüntünü sosial şəbəkədə görmüşük. Təbii, bu görüntülər bizi üzdü. Hər zaman bizim ailə ilə Zülfiyyə Baxışova arasında mehriban, isti münasibət olub. Bundan başqa, mənim digər övladlarımın da tərbiyəsi ilə sözügedən müəllimə məşğul olub. Heç zaman ondan narazı olmamışıq. Hadisə ilə bağlı da övladım evdə hər hansı bir söz deməyib”.

Rəşid Mirzəliyev uşağının səhəttindən də söz açıb:

"Hazırda övladımın səhhəti normaldır. Hər hansı bir problem yoxdur”.


Bizi telegram-da izləyin
Bizi facebook-da izləyin
Bizi youtube-da izləyin

Şərhlər
Son xəbərlər
Çox oxunanlar
Son xəbərlər