14:39 / 23 Dekabr 2021

Dünən general olan gəncə yeni vəzifə verildi

109617

Fövqəladə Hallar naziri, general-polkovnik Kəmaləddin Heydərov dünən general-mayor rütbəsi alan Raul Süleyman oğlu Zeynalova yeni vəzifə verib.

Bakupost.az xəbər verir ki, nazirin müvafiq əmri ilə Raul Zeynalov FHN-in Bakı Regional Mərkəzi rəisinin birinci müavini vəzifəsindən azad edilib. Nazirin digər əmri ilə general-mayor FHN Xüsusi Riskli Xilasetmə Xidmətinin rəis müavini təyin olunub.

Fövqəladə Hallar Nazirliyinin mətbuat xidmətindən Bakupost.az -a xəbəri təsdiqləyiblər.

Qeyd edək ki, Raul Zeynalov 1982-ci ildə Şəmkir rayonunda anadan olub. Bakı Dövlət Universitetini bitirib.

Ailəlidir, 2 övladı var.