Xəbər verdiyimiz kimi, qarışıq döyüş növləri (MMA) Azərbaycan idmançısı, dünya çempionu Gözəl Zutovanın çantası Baş Dövlət Yol Polisi İdarəsinin həyətində oğurlanıb. Çantanın içərisində bir miqdar pul, sənədlər və bir qızıl əşyası olub.
Məsələ ilə bağlı DİN-in Mətbuat Xidməti ilə əlaqə saxladıq.
Nazirliyin şöbə rəisi, polis mayoru Elşad Hacıyev
Bakupost.az –a bildirdi ki, baş verənlərlə bağlı araşdırma aparılır:
“Gözəl Zutovaya məxsus əşyaların oğurlanması ilə bağlı iddiaların bütün təfərrüatları Bakı şəhər BPİ-nin cinayət-axtarış idarəsi tərəfindən araşdırılır. Həmin ünvan üzrə kamera görüntüləri yoxlanılır, əşyaların hansı şəraitdə itməsi, yaxud oğurlanması ilə bağlı araşdırmalar gedişində məlum olacaq. Bu barədə G.Zutova ilə əlaqə saxlanılaraq məlumatlandırılıb”.