İrəvandakı "Urartu" ticarət mərkəzində üzərində Türkiyə Cümhuriyyətinin qurucusu Mustafa Kamal Atatürkün portreti və imzası olan bel çantaları satılır.
Bakupost.az xəbər verir ki, bu barədə sosial şəbəkələrin erməni seqmentinin istifadəçiləri məlumat yayıb.
Paytaxtdakı başqa bir mağazada İrəvan sakinləri Atatürkün “Ne mutlu türküm diyene” sözləri yazılmış məktəb çantasına diqqət yetiriblər.
Bəzi erməni sosial şəbəkə istifadəçiləri İrəvanda mağaza piştaxtalarında türk məhsullarının, xüsusən də türk rəmzlərinin olmasından hiddətləniblər. Digərləri isə təəccüblənməməyi təklif edirlər. Çünki Türkiyə istehsalı olan əşyalar Ermənistanda uzun müddətdir satılır.
İstifadəçilərdən biri isə hətta “hamı türkcə geyinir” deyib. O, özünün ilk futbol köynəyinin arxasında “Ahmet Dursun” yazıldığını, formanın “Beşiktaş” klubuna məxsus olduğunu qeyd edib.
Zaur
BakuPost