Ru
16:56 / 15 Sentyabr 2022

“Ermənistanın 400-dək hərbçisi məhv edilib” - Ekspert

2033
“Əldə etdiyim məlumata görə, Ermənistan ordusunun Daşkəsən, Kəlbəcər, Laçın və Zəngilan istiqamətlərində bölmələrimizə qarşı törətdiyi təxribat nəticəsində baş verən qanlı döyüşlərdə qarşı tərəfin 400-dək hərbçisi məhv edilib”.


Bakupost.az xəbər verir ki, bu barədə hərbi ekspert Ədalət Verdiyev bildirib.


Ekspert deyib ki, çoxunun meyiti hələ də döyüş meydanlarında qaldığına görə, Ermənistan tərəfi ölənlərin sayını dəqiqləşdirib ortaya çıxarda bilmir:


“Biz də şəhid vermişik, amma şəhidlərimizin qisası döyüş meydanında qat-qat artıq alınıb. Əsas odur ki, Ermənistana miqyası təsvir olunmayacaq dərəcədə güclü zərbə vurulub".


Ədalət Verdiyev qeyd edib ki, bir çox məsələlər barədə dəqiq məlumat vermək olmur: "Bəlkə buna görədir ki, cəmiyyətimizdə bu qədər şəhid verməklə nə əldə etdiyimiz barədə suallar aktualdır. Amma bu məsələlər barədə kifayət qədər məlumatlı bir insan kimi deyirəm ki, zamanla hər şey bilinəcək və əsgərlərimizin, zabitlərimizin igidliyi, peşəkarlığı sayəsində əldə etdiyimiz uğurun miqyası tam göründükdən sonra onun əsl qiyməti veriləcək.


Allah bütün şəhidlərimizə rəhmət eləsin. Onların qanı yerdə qalmadı və heç zaman qalmayacaq”.
Şərhlər
Bizi telegram-da izləyin
Bizi facebook-da izləyin
Bizi tiktok-da izləyin
Bizi youtube-da izləyin

Son xəbərlər
Çox oxunanlar
Son xəbərlər