Ru
12:57 / 17 Yanvar 2023

Generallar Ermənistanla sərhədə getdilər - FOTO

1402
Azərbaycan Ordusunun Baş Qərargah rəisi general-polkovnik Kərim Vəliyev, Quru Qoşunların komandanı general-leytenant Ənvər Əfəndiyev və nazirliyin digər vəzifəli şəxsləri N nömrəli hərbi hissədə olublar.

Müdafiə Nazirliyindən Bakupost.az -a verilən məlumata görə, hərbi xidmətə yeni çağırılan gənclərin ən çox toplandığı hərbi hissədə şəxsi heyətin qəbulu prosesi, onların ilkin təməl hazırlığı kursunda iştirakı və hərtərəfli təminatı yoxlanılıb.

General-polkovnik K.Vəliyev gənc əsgərlərin vətənpərvərlik ruhunda tərbiyə olunması, qanun və hərbi nizamnamələrin tələblərinə ciddi riayət etməsi, həmçinin onların intensiv döyüş hazırlığının təşkili və keçirilməsi məsələlərinə xüsusi diqqət yetirilməsi ilə bağlı vəzifəli şəxslərə tapşırıqlar verib.

Daha sonra Müdafiə Nazirliyinin rəhbər heyəti Ermənistanla sərhəddə yerləşən komando və digər hərbi hissələrdə olub, şəxsi heyətin intensiv dağ hazırlığı məşğələsini izləyib.

Yüksək dağlıq və çətin relyefli ərazidə hazırlıq keçən komandolarla görüşən general-polkovnik K.Vəliyev hərbi qulluqçuların praktiki məşqlərində əsas diqqətin döyüşün aparılmasının üsul və taktikasına yönəldilməsini tapşırıb.

Baş Qərargah rəisi hərbi qulluqçuların peşəkar hazırlıq səviyyəsinin yüksəldilməsi, təlim və məşqlərin intensivliyi və keyfiyyətinin daha da artırılması ilə əlaqədar aidiyyəti vəzifəli şəxslərə müvafiq göstərişlər verib.
Generallar Ermənistanla sərhədə getdilər -  FOTO
Generallar Ermənistanla sərhədə getdilər -  FOTO
Generallar Ermənistanla sərhədə getdilər -  FOTO
Generallar Ermənistanla sərhədə getdilər -  FOTO
Generallar Ermənistanla sərhədə getdilər -  FOTO
Generallar Ermənistanla sərhədə getdilər -  FOTO
Şərhlər
  • t.ədalət

    General rütbələri bizdə vəzifəyə görə verildiyinə görə heç nəyi ifadə eləmir.Əsil general olmaq üçün ciddi döyüş yolu keçmək,az qüvvə ilə düşmənin böyük qüvvələrini məhv etmək lazım gəlir..

Bizi telegram-da izləyin
Bizi facebook-da izləyin
Bizi tiktok-da izləyin
Bizi youtube-da izləyin

Son xəbərlər
Çox oxunanlar
Son xəbərlər