Ru
12:43 / 11 Avqust 2022

İnternetin qiyməti qaldırıldı: “Bu, cinayətdir, nazirlik məhkəməyə verilməlidir”

30066
Xəbər verdiyimiz kimi, Azərbaycanda internetin qiyməti bahalaşıb.


Rəqəmsal İnkişaf və Nəqliyyat Nazirliyinə məxsus "Aztelekom" və "Bakı Telefon Rabitəsi" MMC-lər GPON texnologiyasının tətbiqi istiqamətində telekommunikasiya xidmətlərinin tarifində dəyişiklik edib.


Əvvəl 4 mbit/s internet tarifinin aylıq abunə haqqı 10 manat təşkil edirdisə, dəyişiklikdən sonra 15 mbit/s internet tarifinin aylıq ödənişi 15 manat olub. Digər 10 mbit/s internet tarifinin də aylıq abunə haqqı 12,5 manat təşkil edirdisə, sözügedən tarif dəyişikliyi ilə 30 mbit/s internet paketinin aylıq abunə haqqı 18 manat olub.


Bəs vətəndaşlara xəbərdarlıq edilmədən belə bir addımın atılması nə dərəcədə doğrudur?


Məsələ ilə bağlı millət vəkili Fazil Mustafa Bakupost.az -a açıqlamasında bunun yanlış olduğunu bildirib.


F.Mustafa qeyd edib ki, bu qurumlar fürsət düşən kimi vətəndaşlardan pul qoparmağa çalışır:


“Onların vətəndaşa xidmət anlayışı yoxdur. Heç bir normal xidmət göstərmədən insanların pulunu mənimsəyirlər. Vətəndaş onlar üçün pul qazanmaq mənbəyi olduğuna görə, xəbərdarlıq etməyi də özlərinə çox görürlər. Hələ az qaldırıblar, ürəkləri istəsə, 3-5 dəfə də qiyməti qaldıra bilərlər. Çünki onları vətəndaş düşündürmür. Onların fəaliyyəti şəffaf deyil, vətəndaşın soyulmasına xidmət edir. Bu qurumların fəaliyyətinin məntiqli izahı olmalıdır. Kiminlə müzakirə etdilər? Hansı rəyi aldılar? Əvvəlcədən hansı xəbərdarlıq ediblər? Xəbərdarlıq etmirlər və özlərini borclu da saymırlar. Düşünürlər ki, vətəndaş onlara borcludur. Xidmətin səviyyəsi də keyfiyyətli deyil. Keyfiyyətli olmayan səviyyədə bu qədər artım etmək yaxşı hal deyil. Bu xidmət sahələri illərdir, vətəndaşın cibinin soyulmasına yönəlik fəaliyyət göstərir”.


Millət vəkili hesab edir ki, internetin qiymətinin artırılması soyğunçuluqdan başqa bir şey deyil:


“Keyfiyyət aşağı düşür, amma qiymət artır. Məsələni gündəmə gətirsək də, təsir edəcəyimiz bir mexanizm yoxdur. Hansısa bir nəzarət mexanizmi olmadığı üçün hamı bir cür qiymət artırır. Hərə özünə yaxın adamı bir yerdə oturdub, camaatın pulunu bacardıqca alırlar. Xəbərdarlıq etmədən qiyməti qaldırırlarsa, deməli arxayındırlar ki, heç kim heç nə deməyəcək. Vətəndaş avqustun 1-də hesablayıb ki, 10 manat ödəməlidir. Amma avqustun ortasında məlum olur ki, 5 manat da əlavə ödəməlisən. Harda var belə şey? Bu, cinayətdir, soyğunçuluqdur. Başqa adı yoxdur. “Aztelekom” və yaxud başqa provayder ilə mülki müqavilə bağlanılır. 10 manat ödəyirəm ki, mənə bu ölçüdə internet verəsiniz deyə müqaviəldə qeyd olunur. Bu müqavilə xəbərdarlıq edilmədən pozulub. Ona görə də vətəndaşlar ayrı-ayrılıqda məhkəməyə müraciət etməlidir. Kütləvi şəkildə məhkəməyə müraciət etsələr heç olmasa bu soyğunçuluğun qabağını almaq olar”.


Fərid
Baku Post


Həmçinin oxuyun:





Bizi telegram-da izləyin
Bizi facebook-da izləyin
Bizi tiktok-da izləyin
Bizi youtube-da izləyin

Şərhlər
  • Kamil Murad

    1 ildən çoxdur mən 10 manata internet çəkdirmək istəyirdim Nizami telefon qovşağı etiraz edirdilər ki olmaz gərək 20 manat ödəyəcək nazirliyə məktəb yazdım çavab eyni oldu qoy ölkə Başçısı bu məsələyə əl qoysun hamı ayda nazirlər məmurlar kimi 4 min maaş almır 200-400 manat maaş alan 180-250-manat təqaüd alan üçün aşagı qiymət olmalıdır bu özbaşınalıqa son

  • musa

    bu qader olarmi bu harda yazilib ki vatandasin xeberi olmadan bela bir sey ellasinler tacili bu mesele ictimayasmalidi ve kohne tarife kecmelidi aidiyyati qurumlardan xais edirik ki meseleye baxsinlar

Son xəbərlər
Çox oxunanlar
Son xəbərlər