Ru
13:07 / 23 Dekabr 2022

“Kimi vəzifədən çıxarırlarsa, mülkləri, binaları üzə çıxır” - Sabir Rüstəmxanlı - VİDEO

9537
“Azərbaycanda kimi vəzifədən çıxarırlarsa, onun ya otağından, ya qarajından, ya da başqa yerdən külli miqdarda vəsaiti, burada yox, xarici ölkələrdə mülkləri, binaları üzə çıxır. Bunlar dövlətin vəsaitləridir. Bunu edənlərin əksəriyyəti vəzifədə olan insanlardır”.

Bakupost.az xəbər verir ki, bunu Milli Məclisin bu gün keçirilən iclasında deputat Sabir Rüstəmxanlı “Cinayət yolu ilə əldə edilmiş əmlakın leqallaşdırılmasına və terrorçuluğun maliyyələşdirilməsinə qarşı mübarizə haqqında” qanun layihəsinin müzakirəsi zamanı deyib.

O qeyd edib ki, cinayət yolu ilə əldə edilmiş əmlak sözü sıravi vətəndaşa aid deyil: “Bu yolla əldə olunan əmlak daha çox vəzifəli, imtiyazlı adamlara aiddir”.


Azərbaycanda vəzifəli şəxslərin gəlirlərinin aşkarlanması, şəffaflandırılmasının vaxtı çatıb: “Bununla bağlı qanunun qəbul edilməsinin vaxtıdır. Dünyanın inkişaf etmiş ölkələrində bu qanunlar imkan vermir ki, insan öz vəzifəsindən istifadə edib dövlətin malını talasın, korrupsiya ilə məşğul olsun”.

Sabir Rüstəmxanlı əlavə olaraq xatırladıb ki, PKK hələ də Azərbaycanda terror təşkilatı kimi tanınmayıb: “Biz hələ də PKK-nı terror təşkilatı kimi tanımamışıq. Düzdür, bununla bağlı Prezidentin münasibəti var, bildirib. Amma hələ də qanunvericilik olaraq terror təşkilatı ilə bağlı qərar verilməyib”.



Şərhlər
Bizi telegram-da izləyin
Bizi facebook-da izləyin
Bizi tiktok-da izləyin
Bizi youtube-da izləyin

Son xəbərlər
Çox oxunanlar
Son xəbərlər