Ru
20:26 / 21 Sentyabr 2022

Laçına qayıdış nə vaxt başlayacaq? - Prezident açıqladı

1466
“Şəhərin vaxtilə - 1980-ci illərdə tərtib edilmiş Baş Planı vardır. Bu, indi təhlil edilir, əlavələr olunacaqdır və Laçın şəhərini biz bərpa edəcəyik”.


Bakupost.az xəbər verir ki, bunu Prezident İlham Əliyev sentyabrın 21-də Laçın şəhərində Azərbaycan Bayrağını ucaldan zaman çıxışında bildirib.



“Ümid edirəm ki, laçınlıların birinci qrupu Laçın şəhərinə gələn ilin sonuna qədər qayıda bilərlər. Mən buna ümid edirəm və əlimdən gələni edəcəyəm ki, biz buna nail olaq, tezliklə Laçın şəhərini bərpa edək. Biz bütövlükdə Laçın rayonunu və bütün başqa rayonları bərpa edəcəyik.



İndi Azərbaycan xalqı görür ki, biz nəyə qadirik. Görür ki, biz müharibədə də qələbə qazanırıq, həyatda da qələbə qazanırıq və bizi güclü edən xalqın iradəsidir, xalqın birliyidir. Müharibədə də Zəfərimiz xalqın birliyi nəticəsində olmuşdur. Bu gün quruculuq-abadlıq işlərini apararkən bizi gücləndirən xalqın iradəsi, dəstəyidir.



Bir daha demək istəyirəm, fəxr edirəm ki, Laçın şəhərinin mərkəzində milli bayrağımızı ucaltdım. Bu bayraq burada əbədi dalğalanacaq! Biz burada əbədi yaşayacağıq! Yaşasın Laçın! Yaşasın Azərbaycan!”, - deyə dövlət başçısı bildirib.


Şərhlər
  • t.ədalət

    Mən,bir Azərbaycan vətəndaşı kimi Laçına vurğunam.Müharibə dövründə buranın adamlarının nə qədər vətənpərvər və səmimi olduğunu gördüm.Hər addımda dost qayğısı,qardaş ağrısı hiss etdim.Əlbəttə,Azərbaycanın hər qarışı bizə əzizdir.Amma Laçın,həm təbiəti,həm də adamları ilə bənzərsizdir.Laçının azad olunması torpaqlarımızın tam işğaldan qurtulması deməkdir.Allah bu sevincimizi əbədi eləsin!

Bizi telegram-da izləyin
Bizi facebook-da izləyin
Bizi tiktok-da izləyin
Bizi youtube-da izləyin

Son xəbərlər
Çox oxunanlar
Son xəbərlər