Rusiya-Ukrayna müharibəsində həlak olan uşaqların yeni sayı açıqlanıb.
Bakupost.az xəbər verir ki, Ukrayna Baş Prokurorluğunun yaydığı məlumata görə, Rusiyanın hərbi müdaxiləsi nəticəsində indiyədək 229 uşaq ölüb, 421 uşaq güllə və qəlpə yarası alıb.
Müharibə başlayandan indiyədək müxtəlif səbəblərdən xəsarət alan uşaqların ümumi sayı isə 647-yə çatıb.
Uşaqlar daha çox Donetsk, Kiyev, Xarkov, Çerniqov, Nikolayev, Xerson, Luqansk, Zaporojye vilayətlərində, Kiyev, Sumı, Jitomir şəhərlərində xəsarət alıb.