Navalnıya dəstək verən rusiyalı milyonçu intihar etdi

BakuPost xəbər verir ki, o, ölümündən əvvəl itini pul və intihar məktubu ilə birlikdə parka buraxıb. Bu barədə Britaniyanın “Tatler” moda jurnalının əməkdaşı və keçmiş köşə yazarı Yuniya Puqaçova Telegram-da məlumat verib.

Bankirin ölümünün səbəbləri barədə hələlik məlumat verilmir. Milyonçunun 52 yaşı var idi. Onun iki uşağı var.

Dan Rapoport Latviyada anadan olub. 1980-ci ildə ailəsi siyasi sığınacaq aldıqdan sonra o, ABŞ-a mühacirət edib və Hyustonda məskunlaşıb, Den burada təhsil alıb.

Universiteti bitirdikdən sonra Rapoport Rusiyaya gəlib və neft hasilatı üzrə ilk Rusiya-Amerika birgə müəssisəsində maliyyə analitiki kimi işləməyə başlayıb. Daha sonra Rusiyanın bir sıra maliyyə qurumlarında rəhbər vəzifələrdə çalışıb. 2007-ci ildə partnyoru ilə birlikdə Moskvada "Soho Rooms" klubunu açıb, sonradan bu klub ən uğurlu əyləncə məkanlarından birinə çevrilib.

2012-ci ilin iyununda Rapoport ABŞ-a qayıdıb: Deyilənə görə, müxalifətçi Aleksey Navalnını dəstəklədiyinə görə Rusiyanı tərk etməli olub. Sahibkar Vaşinqtonda malikanə alıb, burada həyat yoldaşı, model İrina və iki uşağı ilə məskunlaşıb. Boşandıqdan sonra Kaloremdəki evi ABŞ-ın 45-ci prezidenti Donald Trampın qızı İvanka alıb. 2016-cı ildə Rapoport Ukraynaya, Kiyevə köçmək qərarına gəlib və burada yenidən bank işinə başlayıb.