"Paytaxtı köçürməkdənsə, metronu genişləndirmək lazımdır" - Ekspert

Bunu Bakupost.az -a açıqlamasında nəqliyyat məsələləri üzrə mütəxəssis Rauf Ağamirzəyev son vaxtlar paytaxtın keçirilməsi barədə aparılan müzakirələrə münasibət bildirərlən deyib.

“İki dəqiqə intervalla 1600-1700 sərnişin daşıyan ictimai nəqliyyat növünün hazırda alternativi yoxdur. Ona görə də biz metro şəbəkəsini genişləndirməli, ictimai nəqliyyat növlərinin sayını artırmalıyıq ki, hər kəs şəhərə avtomobillə daxil olmasın. Bu gün Bakıda sıxlıq yaradan əsas amillərdən biri də ictimai nəqliyyatın inkişaf etdirilməməsi, avtomobilləşmənin artmasıdır. Bu problemlərin qarşısı alınarsa, paytaxtı köçürməyə ehtiyac qalmaz".