Ru
13:23 / 25 Yanvar 2023

Prezident maaşları artıran kimi nazirlər qiymətləri qaldırır - Vahid Əhmədov

6484
Xəbər verdiyimiz kimi, Milli Məclisin Səhiyyə komitəsinin bu gün keçirilən iclasında deputat Məlahət İbrahimqızı sağlamlıq arayışının baha olmasından şikayətlənib.


“Bu gün tibb işçiləri də, seçicilər də zərfə daxil olmayan pullu xidmətlərlə bağlı şikayətlər edirlər. Məsələn, sağlamlıq arayışının rüsumu 41 manatdır. Bu, kasıb ailə üçün bir kisə un deməkdir”, - deyə xanım vəkil əlavə edib.


Məsələ ilə bağlı Bakupost.az –a danışan millət vəkili Vahid Əhmədov bildirib ki, səhiyyə sistemində bir sıra problemlər var:

“Dünən də Milli Məclisdə müzakirə gedəndə dərmanların qiyməti məsələsinə toxunduq. Səhiyyə ilə bağlı problemlər mütləq çözülməlidir. Fikir verirsinizsə, indiki vəziyyətdə dövlət başçısı çalışır ki, müəyyən qədər insanların maaşını, pensiyasını, sosial müavinətlərini artırsın. Bunun müqabilində də təşkilatlar, nazirliklər elə etməlidirlər ki, o artımlar insanlara müsbət təsir göstərsin. Qiymətlər, əlavə xərclər qalxırsa, artımların o qədər də əhəmiyyəti olmur. Ona görə də M. İbrahimqızının dediyi kimi, bir arayışın 41 manat olması düzgün deyil. Ümumiyyətlə, tariflərə baxmağa böyük ehtiyac var. Bəzi nazirlər vəziyyətdən istifadə edib belə neqativ hallara gətirib çıxarırlar.

Səhiyyə Nazirliyini bütünlükdə ittiham etmək olmaz, ola bilsin, hansısa nazirliyin hansısa qurumlarında problem var və onu mütləq həll etmək lazımdır.

Dövlət başçısının apardığı siyasət milyonlarla insanın sosial vəziyyətinin yaxşılaşdırılmasından ibarətdir. Bu artımlar onun üçündür. Ona görə də elə etmək lazımdır ki, artımları insanlar hiss etsinlər. Yoxsa, sən arayışın, dərmanın, ərzağın və s. qiymətini qaldırmaqla artımların o qədər də əhəmiyyəti olmayacaq”.

Aygün
BakuPost


Həmçinin oxuyun:

Şərhlər
  • Vahid Əhmədov cənablarına

    AY VAHİD MÜƏLLİM.QİYMƏTLƏR MAAŞ ARTMAĞA 6-7 AY QALMIŞ,SƏS ÇIXAN KİMİ ARTMAĞA BAŞLADI.ÖLKƏDƏ BU MƏSƏLƏYƏ BAXAN,DİQQƏT EDƏN YOXDUR.HEÇ BİR QURUM.HƏTTA PEÜZİDENT APARAINDAKILAR BU MƏSƏLƏYƏ DİQQƏT ETMİR.SANKİ ÖLKƏDƏ ÖZBAŞINALIQ HÖKM SÜRÜR.ƏHALİNİN VƏZİYYƏTİ HEÇ KİMİ MATAQLANDIRMIR.

Bizi telegram-da izləyin
Bizi facebook-da izləyin
Bizi tiktok-da izləyin
Bizi youtube-da izləyin

Son xəbərlər
Çox oxunanlar
Son xəbərlər