Ru
13:02 / 02 Sentyabr 2022

Qarabağın qazlaşması planına dəyişikliklər olunacaq

2741
Qarabağın qazlaşması planına dəyişikliklər olunacaq.


Bakupost.az xəbər verir ki, bu barədə "Azəriqaz" İB-nin baş direktoru Ruslan Əliyev "Açıq qapı" aksiyası çərçivəsində jurnalistlərə bildirib.

Onun sözlərinə görə, əvvəl bu planda rayonlar üzrə adlar salınmışdı (yaşayış məntəqələri – red.), ancaq indi prosesin bölgələr üzrə aparılması ilə bağlı dəyişikliklər aparılır.

“Bugünkü günə mən konkret deyə bilmərəm ki, Qarabağ bölgəsində ilk qaz hansı kəndə, hansı şəhərə veriləcək. Amma planda Ağdam və Füzuli nəzərdə tutulmuşdu, çox güman ki o planda dəyişiklik olacaq”, - Ruslan Əliyev qeyd edib.

Onun sözlərinə görə, planla qazlaşma işləri 2022-də başlamalı idi, lakin hələ ki “Azəriqaz” tərəfindən işğaldan azad olunmuş ərazilərdə fiziki işlər başlanılmayıb, ancaq layihələndirmə işləri aparılıb.

“İlkin növbədə ora yüksək təzyiqli magistral kəmər çəkilməlidir, ondan sonra biz pərakəndə satışı həyata keçirmək üçün digər kəmərlərin çəkilişini həyata keçirə biləcik ”, - Ruslan Əliyev vurğulayıb.
Şərhlər
Bizi telegram-da izləyin
Bizi facebook-da izləyin
Bizi tiktok-da izləyin
Bizi youtube-da izləyin

Son xəbərlər
Çox oxunanlar
Son xəbərlər