Qasırğaya görə 143 nəfər öldü - 4 milyonluq yardım göstəriləcək

Bakupost.az xəbər verir ki, fəlakətlə bağlı Fəlakətin Qarşısının Alınması və Nəzarət İdarəsi tərəfindən açıqlama verilib.

Açıqlamada, Yagi səbəbi ilə yüzlərlə adamın yaralandığı, itkin düşən 58 nəfərin axtarış-xilasetmə işlərinin davam etdiyi bildirilib.

Açıqlamada həyatını itirənlərin sayının 143-ə yüksəldiyi, zərər çəkən bölgələrə ərzaq yardımının göndəriləcəyi də qeyd olunub.

Qeyd edək ki, Vyetnam Baş naziri Pham Minh Chinh Yagidən təsirlənən Hayfonq şəhərinə gedib və zərərin ödənilməsi üçün təxminən 4 milyon dollarlıq yardım paketini təsdiqləyib.

Yagi qasırğası səbəbindən ölkənin şimalındakı sahil şəhərlərindən 50 mindən çox insan təxliyə edilib.