Ru
17:04 / 17 Noyabr 2022

Rəşad Dağlı kirayədə yaşayıb? - Ailəsi danışdı

6129
Qətl törətməkdə təqsirləndirilən meyxanaçı Rəşad Dağlı barədə müzakirələr səngimir.

Hadisədən sonra KİV-lərə danışan qonşuları söz ustadının kirayədə yaşadığını açıqladılar.


Məsələ sosial şəbəkələrdə gündəmə çevrildi, istifadəçilər bu məsələyə inanmadıqlarını, Rəşadın toy məclislərindən xeyli pul qazandığını iddia etdilər.


Bəs Rəşad Dağlı qazandığı pulu hara xərcləyib?


Mövzu ilə bağlı Yenisabah.az-a danışan meyxanaçının bibisi qızı, jurnalist Könül Aypara bu məlumatın doğru olduğunu bildirib. Onun sözlərinə görə, Rəşad pullarını xeyriyyə işlərinə xərcləyib:

“Bəli, Rəşad kirayədə yaşayırdı. O, pullarını xeyriyyə məqsədilər xərcləyirdi. Yaşadığı ev isə özünün deyildi, öz evi təmirdədir. Qazandıqlarını yardıma ehtiyacı olanlara xərcləyirdi”.


Meyxanaçının həmkarı Ağamirzə Məmmədov isə R.Dağlının kirayədə yaşadığına inanmadığını deyib:

“Kirayədə yaşayıb-yaşamadığını bilmirəm. Bu haqda dəqiq məlumatım yoxdur. Amma bildiyim şey onun doğurdan da xeyriyyəçiliklə məşğul olmasıdır. Rəşad çox adama əl tutub, yaxşı işlər görüb. Müğənnilər kimi meyxanaçılar da hər zaman xeyriyyəçilik ediblər. Biz edəndə xəlvət edirik. Kiməsə yardım edəndən sonra bu haqda danışıb mən filankəsə filan şey etdim dedinsə, o yardım heç nədir, zay olub gedir. Gərək etdiyin yardımı bir sən biləsən, bir də Allah. O ki, qaldı Rəşad Dağlının kirayədə qalmağına, bu inandırıcı söhbət deyil, mən inanmıram. Allah köməyi olsun, qapısını açsın”.


Xatırladaq ki, meyxanaçı Rəşad Dağlı (Əmirov) qonşusu İsgəndər Mehtiyevi qətlə yetirib. Faktla bağlı Qaradağ Rayon Prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanılıb.

Qaradağ Rayon Məhkəməsinin qərarı ilə Rəşad Dağlı barəsində 4 ay müddətinə həbs qətimkan tədbiri seçilib.
Şərhlər
  • Ramin

    Allah qapisini acsin, amma cinayetkar cezasini almalidir, kimliyinden asili olmayaraq.

  • Anonim anonim

    Bu insanin o narkomanla ne elaqeli olub .cox meettel bir isdir, sonrada buqefil bir sey deyil bunu meyxaneci evvelceden ,yeni nece illerin mene ele gelir incikliyi olub bu gun sonlanib . Bu yigilmis kusululuk, inciklik olub ,Bu soyus meselesi deyil Belke de

Bizi telegram-da izləyin
Bizi facebook-da izləyin
Bizi tiktok-da izləyin
Bizi youtube-da izləyin

Son xəbərlər
Çox oxunanlar
Son xəbərlər