23:51 / 15 Oktyabr 2024

Rusiyaya ağır zərbə: 144 briqada, 8 milyardlıq silah məhv edildi

3980

2024-cü il yanvarın 1-dən oktyabrın 1-dək Ukrayna Müdafiə Qüvvələri rus ordusunun 10373 artilleriya sistemini məhv edib.

Bakupost.az UNİAN-a istinadən xəbər verir ki, bu barədə Ukrayna Müdafiə Nazirliyi məlumat yayıb.

“Təcavüzkar ölkənin ordusu üçün “ən qara gün” sentyabrın 22-i olub. Həmin gün Ukrayna Silahlı Qüvvələrinin Baş Qərargahının məlumatına görə, ukraynalı müdafiəçilər düşmənin 81 artilleriya sistemini məhv ediblər”, - məlumatda deyilir.

Qeyd olunur ki, 1-ci artilleriya diviziyasında 18 artilleriya lüləsi, artilleriya briqadasında 72 artilleriya qurğusu var. Beləliklə, bu ilin 9 ayı ərzində Ukrayna Müdafiə Qüvvələri düşmənin 144-ə yaxın artilleriya briqadasını məhv edib.

Məhv edilən Rusiya texnikasının dəyəri ən azı 8 milyard ABŞ dollarıdır. Bu, açıq mənbələrdən alınan məlumatlara və dünya bazarında silah və hərbi texnikanın orta qiymətlərinə əsaslanan təxmini rəqəmdir.

Zaur, BakuPost

Şərhlər

Bizi telegram-da izləyin

Bizi facebook-da izləyin

Bizi tiktok-da izləyin

Bizi youtube-da izləyin

Son xəbərlər

Çox oxunanlar

Son xəbərlər