Avqustun 11-nə keçən gecə Rusiya ordusu Ukraynanın Dnepropetrovsk vilayətinin 4 rayonuna hücum edib.
Bakupost.az xəbər verir ki, bu barədə vilayət hərbi administrasiyasının rəhbəri Valentin Rezniçenko bildirib.
O cümlədən, Nikopol rayonu 3 dəfə “Qrad”lardan atəşə məruz qalıb. Bu rayona 120 mərmi atılıb . "Nikopolda iki nəfər ölüb, yeddi nəfər yaralanıb. Onlardan biri 13 yaşlı qızdır. Şəhərdə 40-dan çox hündürmərtəbəli bina dağıdılıb", - Rezniçenko bildirib.
Bundan əlavə, ruslar Krivorojsk, Sinelnikovsk və Dneprovsk rayonlarını da atəşə tutublar. Çoxlu dağıntılar var.
Xatırladaq ki, avqustun 10-u gecə Rusiya ordusu Dnepropetrovsk vilayətinin Nikopol rayonunu “Qrad”lardan atəşə tutub. Hücum nəticəsində 14 nəfər həlak olub.
Zaur
BakuPost