Səkinin ortası ilə çəkilən qaz xətti götürüldü - VİDEO

Bakupost.az xəbər verir ki, SOCAR “Azəriqaz” İstehsalat Birliyinin mətbuat katibi Eldəniz Vəliyev məsələdən xəbərdar olduqlarını və problemin dərhal aradan qaldırıldığını deyib:

"Həqiqətən də normal mənzərə deyil. Birlik olaraq bu məsələdən xəbərdar idik. Qaz xətti ərazidə fəaliyyət göstərən ticarət mərkəzlərindən biri üçün çəkilmişdi.

Baxmayaraq ki, bu xətt podratçı şirkətlərdən birinin "əsəri" idi, Birlik olaraq vətəndaşları narahat edən bu problemin həllini öz üzərimizə götürdük. İki gün əvvəl problem aradan qaldırıldı. Xəttin səkinin ortası ilə çəkilmiş 105 metrlik hissəsi tam olaraq kənarlaşdırılıb".