Ukraynada tutularaq Azərbaycana gətirilən Maqsud Mahmudovun cinayət işində zərərçəkmiş qismində tanınan müğənni Vasif Məhərrəmlinin mülki iddiası təmin edilib.
Bakupost.az "Report" a istinadən xəbər verir ki, bu barədə hökm Bakı Ağır Cinayətlər Məhkəməsinin hakimi Faiq Qəniyevin sədrliyi ilə keçirilən prosesdə elan olunub.
Hökmə əsasən, M.Mahmudov zərərçəkmiş Vasif Məhərrəmliyə 1000 manat pul ödəyəcək.
Qeyd edək ki, Cinayət Məcəlləsinin 178.3.2-ci (Dələduzluq külli miqdarda ziyan vurmaqla törədildikdə) maddəsi ilə Daxili İşlər Nazirliyi tərəfindən beynəlxalq axtarışa verilmiş Mahmudov Maqsud Soltan oğlu 2021-ci ilin iyul ayında Ukrayna ərazisində tutulub.
O, sentyabrın 18-də Ukraynadan Azərbaycana gətirilərək istintaqa təhvil verilib.
İstintaq dövründə onun barəsində xüsusi dəyəri olan əşyaları talama maddəsi ilə ittiham irəli sürülüb.
İş üzrə 90 nəfər zərərçəkmiş var. Zərərçəkmişlərdən ikisi müğənni Afət Fərmanqızı və Vasif Məhərrəmlidir.
Vasif Məhərrəmlinin "qurd qapısı" restoranındakı şikayətini anladıq.Görünür,kürdlərlə sözü çəpləşib,hücuma məruz qalıb.Ancaq min manatdan ötrü özünü öyən bir müğənninin məhkəməyə müraciəti onu xeyli nüfuzdan saldı..