Zaqatalada çay plantasiyasından füsunkar FOTOSESSİYA

 

Azərbaycan deyəndə neft, qaz kimi təbii sərvətləri, palçıq vulkanları ilə yanaşı, heç şübhəsiz onun məşhur armudu stəkandakı pürrəngi çayı da yada düşür.

 

Bəli, hər nə qədər 5000 il əvvəl çində tapıldığı söylənilsə də və uzaq şərq ölkələrində hətta dini ayinlərin belə ayrılmaz parçası olsa da, çay bitkisi Azərbaycanda da xüsusi günlərin önəmli parçasıdır. Məsələn elçi gələndə "şirinçay” mərasimini və ümumiyyətlə azərbaycanlıların böyük əksəriyyətinin günə səhər yeməyi zamanı şirin çayla başlaması heç kimə sirr deyil. 

 

Lakin bu çayın harada yetişdirildiyi müvzusuna gəldikdə insanların əksəriyyəti heç düşünməyə ehtiyac duymadan Lənkəran deyir. Bəli, Lənkəranda Azərbaycanın qədim çay ənənələri illərdir yaşadılır. Lakin biz bilməliyik ki, artıq 60 ilə yaxındır ki, Azərbaycanın şimal-qərb bölgəsində, daha dəqiq desək Zaqatalada da çay ənənələrimiz mövcuddur. 

 

Bu günlərdə Bakupost-un əməkdaşı fotoqraf Azər Kazımlı, Zaqatalada Qazangül adlanan ərazidə olan çay plantasiyalarına yollanıb və həm mövsümün ilk, həm də məşhur "may çayı” adlanan yığımından maraqlı görüntülər qeydə alıb. Çayçıların əhvalının yüksək olması bizi bu ilki məhsul yığımının həcmində artım olacağına ümidləndirir. Həmin plantasiyalardan olan görüntüləri sizə təqdim edirik.