Ru
13:32 / 02 Dekabr 2021

Azad olunmalıydı, olunmadı! Döyülməməliydi, döyüldü...

8696

Rauf Arifoğlu
Əməkdar jurnalist


Saleh Rüstəmov azad olunmalı idi!

O adın üstündə siyasət və təxribat qurulmasına imkan verilmədən!

Prosesin haraya getdiyini günlər öncədən görmək mümkün idi...

Manevr imkanları var idi, çox idi!

İndi nə edilsə, adı manevr olmayacaq.

Humanizm olmayacaq!

Dünən Tofiq Yaqublu döyülməməli idi.

Səhvdir!

Cinayətdir!

Sui-qəsddir!

Tofiq Yaqubluya və Azərbaycan adlı dövlətimizə münasibətdə!

...Elə adam döyməzlər.

Vətəndaşa, Qarabağ müharibəsi qazisinə əl qaldırmaq olmaz.

Başına, gözünə döymək...

Heç erməni əsirlərini elə döymürük.

Əsgər smartfonlarından yayılan kadrlara baxmısınız.

Kimsə tapılır və kadr arxasından "...ə, başına vurma", deyir...

Tofiq Yaqublunu döyəndə, o sözü deyən olubmu döyücü heyət arasında?!

Amansızca və düşməncə!

Təxribatdır, dövlətə qarşı sabotajdır!

Bunu edənlər cəzalanmalıdır!

Onun dili zəhərdir, dedikləri bəzi hallarda dözülməzdir!

Leksikonu, iddiaları ifrat, qərəzi, kini ölçüsüz...

Amma məhz bu hallarda dövlət ərkanı adına "iqnor" ən müdrik gedişdir!

Siyasi dözüm nümunəsidir həm də!

Göstəricidir - bir çox məqamlar üzrə Azərbaycan iqtidarının tolerantlıq əmsalıdır...

Siyasi fənddir...

Qarşıdakının dediklərini və özünü təsirsizləşdirməkdir!

Əhəmiyyətsizləşdirməkdir!

Dövlətin ideoloqları və siyasi texnoloqları!

30 noyabr helikopter qəzasından sonrakı 10 saat ərzində harada idiniz?

Bu boyda boşluq buraxılarmı?!

Tofiq Yaqublu olayı dünyanın informasiya məkanını zəbt edib!

Haradasız?

Bir tvit, bir təəssüf, "keçmiş olsun" mesajı...

Xəstəxanada, evdə ziyarət!

Təxribatları, informasiya axınlarını yönəltmək, yön vermək!

Siz bu günlər və ekstremal hallar üçün, çevik qərarlar üçün lazımsınız!

...10 dekabr və 15 dekabr tarixləri üçün Bakıdan Ermənistana ötürülən paslara imkan verilməməlidir!

Verilməməli idi!!!

3 pas ötürüldü!

Dövlətin sahədəki oyunçularına dəyib "rekaşet" verdi, "qol" oldu...


Şərhlər
  • ABDULLAYEV ŞAHİN ƏVƏZAĞA

    Xahiş edirəm mənim şərhimi bərpa edin Kons-nın 50və 57 ci maddələrini pozmayın Şərh 08 12 2O21 -ci ildə yazılmışmışdır

  • ABDULLAYEV ŞAHİN ƏVƏZAĞA

    Hörmətli Rauf bəy deyirəm Dövlətin onurğa sütununu məhv edən MTN səlahiyyətliləri hamısı bayırdadır S Rüstəmli bir balaca içəridəkiləri qref edib Sizdə içəridə çox olmusunuz Yəqin Sizi də qref ediblər Onların adlarını deyin tutsunlar Dəf kimi olsun Görək axırı necə olacaq Əvvəlllər deyərdim axıra qalan biləcək İndi deyirəm qurdnan qalan biləcək Deyirlər cinayətkarın gözündə vicdandan başqa bir şey yoxdur Şeyx A Paşazadə deyir ki vicdan nədir bilmirəm Köhnə filosovlar yoxdur ki vicdana tərif versinlər Görəsən Azərbaycan Məhkəməsi vicdana tərif verə bilərmi Buraxın Kişini ayıbdır Vallah ayıbdır Tarixə güldərməyin özünüzü 37 analiz edirlər ölən ölüb öldürəndə ölüb Bünü araşdırın Gecdə olsa qurtarın bu hoqqabazlığı

Bizi telegram-da izləyin
Bizi facebook-da izləyin
Bizi tiktok-da izləyin
Bizi youtube-da izləyin





Son xəbərlər
Çox oxunanlar
Son xəbərlər