01:06 / 16 Noyabr 2021

AZƏRBAYCAN ORDUSU DAHA 4 POSTDAN ERMƏNİLƏRİ QOVUB - Paşinyan açıqlayıb

909
Ermənistanın baş naziri Nikol Paşinyan Təhlükəsizlik Şurasının iclasında iddia edib ki, "noyabrın 14-də Azərbaycan qoşunları ölkə ərazisinə daxil olub". Məhz bu səbəbdən bu gün müdafiə naziri Arşak Karapetyan işdən çıxarılıb.

Ermənistan teleqram- kanallarının məlumatına görə, Azərbaycan Silahlı Qüvvələri ermənilərin dörd postunu tutublar və texnikanı ələ keçiriblər, erməni hərbçiləri bu mövqelərdən çıxarıblar.

"Turan" xəbər verir ki, həmin mənbələrin məlumatına görə, ermənilərin Cermuk istiqamətində üç, Qaragöl ərazisində bir postu tərk edilib. Ermənilər yük maşınlarını və bir BMP-ni orada qoyublar. Bu mövqelər Laçın və Ermənistanın Sünik vilayəti sərhəddindədir.

Azərbaycan Müdafiə Nazirliyi baş verənləri şərh etməyib. Ancaq qeyd edək ki, iki ölkə arasında hələlik sərhədlər müəyyənləşdirilməyib. 30 illik işğal dövrü isə Ermənistan Azərbaycanla sərhəddi özü istədiyi kimi müəyyən edib, postlarını Azərbaycana aid ərazilərdə qurub. İndi müzəffər ordumuz tərəfindən həmin postlardan ermənilər qovulur. Yəni, əslində, Azərbaycana məxsus ərazilər ermənilərdən təmizlənir!
Bizi telegram-da izləyin
Bizi facebook-da izləyin
Bizi youtube-da izləyin

Şərhlər
  • Abid

    Belə xırda və mənasız məlumaylarla insanlar çaşdırmayın.Ordu plan üzeə,ciddi qaydada hərəkət etməlidir.Bir post.iki post nə deməkdir? Ciddi olmasaq bizi yeyeəcəklər.belə boş,zəif məlumatlarla zaman itirmək olmaz!

Son xəbərlər
Çox oxunanlar
Son xəbərlər