00:18 / 04 Avqust 2020

Azərbaycanlı baş həkim zəncirvari qəzada ağır xəsarət aldı

2350

Salyanda baş verən zəncirvari qəzada 3 nəfər xəsarət alıb.

"BakuPost" xəbər verir ki, hadisə bu gün günorta saatlarında Salyan rayonunun Kərimbəyli kəndində qeydə alınıb.

“Daewo”, “Tayota Prado” və “VAZ 2107” markalı avtomobillərinin toqquşması nəticəsində 3 nəfər - Bakı sakini, 1960-cı il təvəllüdlü Əliyev Vidadi Qamət oğlu, 1990-cı il təvəllüdlü Həsənova Lalə İslam qızı və 1982-ci il təvəllüdlü Talıbov Zöhür Nadir oğlu müxtəlif dərəcəli bədən xəsarətləri ilə Şirvan Şəhər Xəstəxanasına yerləşdirilib.

Yaralılardan kəllə-beyin travması alan “Tayota Prado” markalı avtomobilin sürücüsü Vidadi Əliyevin vəziyyəti ağır olduğundan Bakı şəhərinə - Mərkəzi Klinik Xəstəxanasına yola salınıb.

Qeyd edək ki, Vidadi Əliyev Respublika Cüzəm xəstəxanasının baş həkimidir.

Şərhlər

Seçilmiş Zəngimcell