Azərbaycanlılar Gürcüstanda qəzaya düşdülər: 7 yaralı

Tbilisi-Batumi avtomobil magistralında yol-nəqliyyat hadisəsi baş verib. Modern.az  xəbər verir ki,  "Sputnik Gürcüstan”ın məlumatına görə, yolun Lançxuti bölgəsindən keçən hissəsində mikroavtobusla minik avtomobili toqquşub. Bədbəxt hadisə nəticəsində 7 nəfər xəsarət alıb. Yaralılar arasında Azərbaycan vətəndaşları da var. Xəsarət alanlara xəstəxanada tibbi yardım göstərildikdən sonra evlərinə buraxılıblar. Gürcüstan Daxili İşlər Nazirliyi araşdırmaya başlayıb. Hadisənin digər təfərrüatları barədə məlumat verilmir.