17:16 / 09 Sentyabr 2021

"Azərsu" eyni yeri ayda 2-3 dəfə qazır - Şəhidin yaşadığı binanın sakinlərindən ETİRAZ - FOTOLAR

2779
Binəqədi rayonu, 9-cu mikrorayon qəsəbəsi, Mir Cəlal Paşayev küçəsində yerləşən binanın sakinləri “Azərsu” Açıq Səhmdar Cəmiyyətinin həmin ərazidə davamlı söküntü işləri aparmasından şikaytçidirlər.

Bu barədə Bakupost.az -a müraciət edən vətəndaşlar bildiriblər ki, "Azərsu" hər dəfə yolun eyni hissəsində müxtəlif səbəblərlə söküntü işləri aparır:



“Yayda “Azərsu” bu ərazidən keçən su xəttini düzəldib. 2-3 aydan bir yenə də gəlib, buranı qazıb, çıxıb gedirlər. Avtomobillərin o istiqamətdə hərəkəti çətinləşir, çünki yol çökmüş vəziyyətdədi. Həmin ərazidən böyük maşınlar keçə bilmirlər. Bina sakinləri maşınlarını başqa yerdə saxlayırlar.



Bundan başqa, o yol Vətən müharibəsində şəhid olan pilot mayor Abbas Qasımovun yaşadığı binanın düz qarşısıdır. Senyabrın 27-si şəhidimizin ildönümüdür. Bu səbəblə oraya insan axını olacaq, maşınlarla hərəkət çoxalacaq. Ona görə də müraciət edirik ki, aidiyyəti qurumlar bu işə məsuliyyətlə yanaşıb həmin ərazidəki işləri yekunlaşdırsınlar. Xırda bir şeyə görə hər dəfə gəlib sökürlər, sonra da çıxıb gedirlər. Artıq 4-5 dəfədir ki, buraya asfalt çəkilir, “Azərsu” da qazıb gedir. Olmaz belə”.

Məsələ barədə “Azərsu” ilə əlaqə saxladıq.

Qurumun mətbuat katibi Anar Cəbrayıllı qeyd olunan əraziyə əməkdaşlarının göndəriləcəyini dedi:



“Gün ərzində əməkdaşlarımız həmin əraziyə göndəriləcək. Məsələni araşdırıb, həll edəcəyik”.

Aygün Nəbiyeva
Baku Post

"Azərsu" eyni yeri ayda 2-3 dəfə qazır - Şəhidin yaşadığı binanın sakinlərindən  ETİRAZ - FOTOLAR
"Azərsu" eyni yeri ayda 2-3 dəfə qazır - Şəhidin yaşadığı binanın sakinlərindən  ETİRAZ - FOTOLAR
"Azərsu" eyni yeri ayda 2-3 dəfə qazır - Şəhidin yaşadığı binanın sakinlərindən  ETİRAZ - FOTOLAR
"Azərsu" eyni yeri ayda 2-3 dəfə qazır - Şəhidin yaşadığı binanın sakinlərindən  ETİRAZ - FOTOLAR
"Azərsu" eyni yeri ayda 2-3 dəfə qazır - Şəhidin yaşadığı binanın sakinlərindən  ETİRAZ - FOTOLAR
Bizi telegram-da izləyin
Bizi facebook-da izləyin
Bizi youtube-da izləyin

Şərhlər
Son xəbərlər
Çox oxunanlar
Son xəbərlər