Ru
17:33 / 10 Avqust 2019

“Bankir Emin Zeynalovu məhv etmək istəyirlər” – “Günay Bank”ın rəhbərinəqarşı şok ittihamlar

11430



Azərbaycan yeni bir bank qalmaqalının ərəfəsindədir. Həm də aydın görünür ki, bunu görən, hiss edənlər var və həmin şəxslər gündəmə gələ biləcək hüquqi məsuliyyətləri ilə bağlı məsələdən yayınmaq üçün "günah keçisi” yaratmağa və bütün cinayətləri ona yükləməyə çalışırlar.


BakuPost xəbər verir ki, bu iddia ilə sozcu.info saytı çıxış edib. Saytın yazdığına görə, bu "günah keçisi” isə bir zamanlar böyük prespektivlər vəd edən gənc bankir Emin Zeynalovdur. Bu şəxs gənc yaşlarında "Kapital Bank” ASC-nin Xəzinədarlıq departamentinin direktoru olub. Sonradan onu gözləyən fəlakətlərdən xəbərsiz halda "Günay Bank” Açıq Səhmdar Cəmiyyətinin Müşahidə Şurasının sədri Mahmud Məmmədovun təkidli dəvətlərindən sonra 2017-ci ildə "Günay Bank”ın "Xəzinədarlıq və Müxbir Əlaqələr” departamentinin direktoru vəzifəsinə transfer olunub. Çox qısa müddət sonra Mahmud Məmmədovun israrı ilə "Günay Bank” ASC-nin İdarə Heyyətinin sədr müavini vəzifəsinə təyin olunub. O zaman Emin Zeynalov da, onun ailə üzvləri bütün bu "etimad”ların arxasında dayanan niyyəti görə bilməzdilər. O niyyətin üzə çıxmasına isə böyük zaman məsafəsi tələb olunmur.



 

Cəmi bir neçə ay sonra Emin Zeynalovun 100 milyon oğurlayıb qaçması haqqında məlumatlar mətbuata ötürülür və bunun tirajlanması təmin edilir: "Gənc bankir ciddi qaralama kompaniyasına məruz qaldıqdan sonra ailə üzvlərinin iddia etdiyinə görə, 20 iyun 2018-ci ildə "Günay Bank” ASC-nin Müşahidə Şurasının sədri Mahmud Məmmədovun mühafizəçiləri tərəfindən zorən avtomobilə oturdularaq xalq arasında "Bandotdel” kimi tanınan Baş Mütəşəkkil Cinayətkarlıqla Mübarizə İdarəsinə aparılaraq, həmin qurumun əməkdaşlarına təhvil verilib. Bu hərəkət Azərbaycan qanunvericiliyi ilə cinayət əməli kimi tövsif olunsa da, Emin Zeynalovun özünün və ailə üzvlərinin müraciətlərində yer alan bu iddia ilə bağlı heç bir araşdırma aparılmır və Mahmud Məmmədovun mühafizəçilərinin əməli görməzdən gəlinir”.


Sayt yazır ki, Azərbaycanın ən müəmmalı iş adamlarından biri kimi xarakterizə olunan Mahmud Məmmədov öz əməllərini ört-basdır etmək üçün gənc mütəxəssisi qurban seçib: "İlk diqqəti çəkən məqam ondan ibarətdir ki, Emin Zeynalov ötən ilin iyunundan həbsdə olsa da onun hansısa "cinayət”in qurbanı yalnız indi dələduzluqla üzləşdiyini fərq edir və həm çox maraqlıdır ki, məruz qaldığı "dələduzluq”la bağlı istintaq orqanına deyil, mətbuata müraciət edir. Çox haqlı olaraq sual yaranır, niyə istintaq orqanına deyil, mətbuata müraciət edilir? Aydın görünür ki, Emin Zeynalovdan "günah keçisi” yaradılması üçün onu hər cür cinayətlərin təşkilatçısı kimi qələmə vermək və bununla da gənc bankirin məhv edilməsinə nail olmaq qərara alınıb.


Digər diqqəti çəkən məqam ondan ibarətdir ki, "Günay Bank”la bağlı məlumatların mətbuata yol tapdığı ilk vaxtlarda Mahmud Məmmədovun özünün adı ilk sırada yer alırdı. Sonradan hansısa olaylar baş verir və Mahmud Məmmədovun adı daha çox zərərçəkən qismində təqdim olunmağa başlanılır.


Emin Zeynalovdan "günah keçisi” yaradılmasına ciddi cəhdlərin edilməsi ilə bağlı qənaət yaradan üçüncü məqam isə gənc bankirin həbsdə olması ilə kifayətlənməyərək onun ailə üzvlərinin qaralanma kompaniyasına start verilməsidir. Belə görünür ki, onun ailə üzvləri ilə bağlı iddiaları gündəmə gətirənlər bununla Emin Zeynalovun iradəsini sındırmağa, bütün günahları öz üzərinə götürməsinə nail olmağa çalışırlar.


Aydın görünür ki, kimlərsə Emin Zeynalovun həqiqətləri bəyan etməsindən bərk narahatdır və hər vəchlə onu susdurmağa çalışırlar”.



BakuPost qarşı tərəfin də fikirlərini yayınlamağa hazırdı.

“Bankir Emin Zeynalovu məhv etmək istəyirlər”  – “Günay Bank”ın rəhbərinəqarşı şok ittihamlar
Şərhlər
Bizi telegram-da izləyin
Bizi facebook-da izləyin
Bizi tiktok-da izləyin
Bizi youtube-da izləyin





Son xəbərlər
Çox oxunanlar
Son xəbərlər