Bu rəsm əsəri 2,5 milyon dollara satışa çıxarıldı - FOTO

  • 17 Sen 2019 10:22
  • 532 Baxış
Bu rəsm əsəri 2,5 milyon dollara satışa çıxarıldı   - FOTO

Britaniyalı qraffiti rəssamı Benksinin Britaniya parlamentinin üzvlərini təsvir edən “Devolved Parliament” ("Deqradasiya etmiş parlament”) əsəri rəssamın indiyədək satılmış ən bahalı tablosu ola bilər.


Yağlı boyalarla kətan üzərində çəkilmiş tabloya 1,5-2 milyon funt sterlinq (1,9-2,5 milyon dollar) ilkin qiymət qoyulub.


BakuPost TASS agentliyinə istinadən xəbər verir ki, bu barədə məlumat “Sotheby’s” hərrac evinin saytında yerləşdirilib. Məlumatda deyilir ki, hərrac oktyabrın 3-də keçiriləcək.


4x2,5 metr ölçüdə tabloda Britaniya parlamentinin İcmalar Palatası təsvir edilib, lakin parlament skamyalarında, qalereyada və sədrin kreslosunda şimpanze və oranqutanqlar oturub. Benksi “Devolved Parliament” əsərini 2009-cu ildə Bristol Muzeyində sərgi üçün yaradıb. Hazırda əsər özəl kolleksiyada saxlanılır, lakin onun sahibinin adı anonim saxlanılır.


Günel

Baku Post