Bu gün Yer kürəsinə ölçüsü stadion boyda olan asteroid yaxınlaşacaq.
“Bakupost” xəbər verir ki, bu barədə NASA-nın JPL Elmi Tədqiqat Mərkəzi məlumat yayıb.
Hesablamalara görə, diametri 212 metr olan 2020 XU6 asteroidi planetimizə təxminən dörd milyon kilometr məsafədə yaxınlaşacaq.
Bu gün həm də Yer kürəsinin yanından 23 metr diametrə malik asteroid 2020 BV9 keçəcək. Onun planetimizdən ən yaxın məsafəsi 5,6 milyon kilometr olacaq. Eyni zamanda 40 metr diametrə malik 2021 CC5 asteroidi də planetimizin yanından keçəcək. Onunla Yer arasında məsafə təxminən 6,9 milyon kilometr təşkil edəcək.