Dənizkənarı Bulvar İdarəsi Azərbaycan Xalq Cümhuriyyətinin yaranmasının növbəti ildönümü ilə əlaqədar fləşmob təşkil edəcək.
Bu barədə Bakupost-a qurumun mətbuat katibi Günay Yelmarqızı məlumat verib.
O bildirib ki, 28 May - Respublika günü münasibətilə "Himnimizi birgə oxuyaq!” adlı layihə çərçivəsində vətəndaşların, gənclərin iştirakı ilə Azərbaycan Respublikasının Dövlət Himni Bulvar ərazisində canlı ifa olunacaq.
G.Yelmarqızı əlavə edib ki, layihəyə təşkilati dəstəyi Azərbaycan Televiziya və Radio Verilişləri Qapalı Səhmdar Cəmiyyəti verəcək.