Ru
14:24 / 20 May 2019

Deputat pərdə qadağasına etiraz etdi

2178
"Vaxtilə keçmiş Standarlaşdırma, Metrologiya və Patent üzrə Dövlət Komitəsi avtomobillərin yan şüşələrinə pərdələrin vurulması ilə bağlı qərar qəbul etdi. Sonra o qərarı "yay mövsümündə pərdə olsun, amma qış mövsümündə olmasın" şəklində dəyişdilər. Bunu da təhlükəsizliklə əsaslandırdılar. Amma Avropada avtomobildə pərdədən həm yayda, həm qışda istifadə edirlərsə, onda belə çıxır ki, Avropada olan insanlar təhlükəsizliyə kifayət qədər diqqət yetirmirlər”.


 Bunu Milli Məclisin deputatı Çingiz Qənizadə deyib.


Onun sözlərinə görə, Azərbaycan isti ölkədir və may ayından başlayaraq avtomobildə pərdədən istifadə etmək olar qərarı başa düşülən deyil: "Bunun heç bir məntiqi əsası da yoxdur. Avropa İqtisadi Komissiyasının 43 saylı qərarına görə, iki yan güzgü olduqda, arxa şüşələrin pərdə ilə örtülməsi sürücünün öhdəsinə buraxılmalıdır. Amma ölkədəki bu qərar əslində insanları inzibati qaydada cəzalandırmağa yönəldilmiş bir addımdır və o pərdələrin də deyilən vaxtda qaldırılmamasına görə 100-150 manat cərimə nəzərdə tutulur. Azərbaycan sürücülərinin, hətta sürücü olmayan, maşında gedən azyaşlı uşaqların, qadınların mənasız yerdə əziyyət çəkməsinə və sürücülərin də Dövlət Yol Polisi (DYP) ilə qarşı-qarşıya gəlməsinə şərait yaradan bu amil aradan götürülməlidir”.


Ç.Qənizadə bunun turizmin inkişafına da problem yaratdığını deyib: "Turist Azərbaycanın hər hansı bir regionuna səfər etmək istəyir, aprelin 30-da sürücü onu xəbərdar edir ki, təhlükəsizlik üçün pərdəni qaldırmaq olmaz, amma sabah qaldıra bilər. Bu da turistdə çaşqınlıq yardır”.


Deputat deyib ki, hələlik bu istiqamətdə iş aparır, KİV-də vəparlamentdə fikir bildirib, yada salır: "Bu qərar mənasız bir şeydir və dərhal aradan götürülməlidir”.(ONA)
Şərhlər
Bizi telegram-da izləyin
Bizi facebook-da izləyin
Bizi tiktok-da izləyin
Bizi youtube-da izləyin





Son xəbərlər
Çox oxunanlar
Son xəbərlər