Dağlıq Qarabağ Bölgəsinin Azərbaycanlı İcmasının sədri, parlamentdə Xankəndini təmsil edən millət vəkili Tural Gəncəliyev Ermənistan parlamentinin əməkdaşı Lilit Gyozalyanın təhdidi ilə üzləşib.
Bakupost.az xəbər verir ki, bu barədə T.Gəncəliyev sosial şəbəkə hesabında yazıb.
“Ermənistan parlamentinin xarici əlaqələr komitəsinin əməkdaşı məni “həbsxanada başını kəsəcəyik” deyərək təhdid edir. Ermənistanın uzun illərdir yaratdığı Azərbaycanofobia və etnik nifrətin bariz nümunəsi olan davranışa görə həmin şəxsin tutduğu vəzifəsindən ən qısa müddətdə kənarlaşdırılması labüddür” , - deputat qeyd edib.