Gürcüstanda 5 bal gücündə zəlzələ baş verib.
BakuPost xəbər verir ki, bu barədə Gürcüstan Yer Elmləri İnstitutu və Seysmoloji Mərkəzi məlumat yayıb.
Məlumata görə, zəlzələnin episentri Gürcüstanın Ermənistanla sərhədindən 5 km məsafədə qeydə alınıb. Zəlzələ paytaxt Tbilisidə də hiss olunub. Dağıntı və tələfat barədə məlumat yoxdur.
Qeyd edək ki, zəlzələ Qazax rayonu ərazisində də hiss olunub.