“Fazil Məmmədovun (sabiq vergilər naziri) vaxtında hər il yanvar ayı vergi “Qanun” ətrafında bir əməliyyat keçirirdi. Bütün ili o tələdən çıxmağa çalışırdıq”.
Bakupost.az xəbər verir ki, bu sözləri “Qanun” Nəşrlər Evinin rəhbəri Şahbaz Xuduoğlu bildirib.
O qeyd edib ki, daha vergi gəlmir: "Vergiyə baxıb fövqəladə də gəlmir, fövqəladəyə baxıb işıq da gəlmir, işığa baxıb su da “gəlmir”, suya baxıb
polis də gəlmir. Artıq neçə ildi başımız ağrımır, işimizlə məşğuluq. Amma o dövrdən verginin oğurladığı, aparıb itirdiyi sənədləri bərpa etmək olmur.
Əlpaşanı da (Şəmkirin sabiq icra başçısı Alimpaşa Məmmədovu nəzərdə tutur - Red.) düz edib
tutdular. Nərimanovda nəşriyyatın yerini qapazlamışdı.
Ümumiyyətlə, nə olursa haqqına olur. Artıq mən çoxdandır, niyə belə oldu sualını vermirəm”.