Bu gün Gəncədə I Gəncə Kitab Sərgisinin açılışı olub.
Bakupost.az -ın məlumatına görə, açılış mərasiminə Xalq şairi, millət vəkili Sabir Rüstəmxanlı, Gəncə Şəhər İcra Hakimiyyətinin başçısı Niyazi Bayramov, ANİB-in sədri Şəmil Sadiq, Mədəniyyət Nazirliyinin əməkdaşı Kamran Musayev, yazarlar və ictimaiyyət nümayəndələri iştirak ediblər.
28 noyabradək davam edəcək sərgidə məşhur şair və yazıçılarla görüşlər, imza mərasimləri, uşaqlar üçün nağıl saatları keçiriləcək.
Həmçinin, müxtəlif sənət nümayəndələrinin əsərlərindən ibarət sərgilər, bədii proqramlar təşkil olunacaq.