İcra başçısı “EuroHome”un sahibkarları ilə görüşdü

BakuPost-un qafqazinfo-ya istinadən məlumatına görə, hazırda Binəqədi Rayon İcra Hakimiyyətinin başçısı Elxan Allahverdiyev yanğın baş verən ərazidədir. İcra başçısı yanğında zərərçəkən sahibkarlarla görüşüb və müzakirələr aparır. Hazırda görüş davam edir.

Məlumata görə, görüşdə obyektin və sahibkarların mallarının sığorta olunub-olunmaması, dəyən ziyanın məbləği və onlara ödəniləcək kompensasiya məsələsi müzakirə olunur. Bu görüşün nəticəsindən sonra rəsmi qurumlarla danışıqlar aparılacaq və qanunauyğun olaraq kompensasiya verilib-verilməməsi, veriləcəyi təqdirdə məbləğin nə qədər olmasına qərar veriləcək.