İmişlidə bıçaqlanma hadisəsi baş verib.
Bakupost.az-ın məlumatına görə, hadisə rayonun Məmmədli kəndində qeydə alınıb.
Kənd sakini, 1997-ci il təvəllüdlü Əlizadə Camal İlqar oğlu onun barəsində nalayiq sözlər deyən həmkəndlisi - 1992-ci il təvəllüdlü Əliyev Əlizamin Yəhya oğlunun qarın boşluğuna bıçaqla xəsarət yetirib. Yaralı İmişli MRX-ya çatdırılıb.
Faktla bağlı İmişi rayon Polis İdarəsində Cinayət Məcəlləsinin 126.1-ci (qəsdən sağlamlığa ağır zərər vurma) maddəsi ilə cinayət işi başlanılıb.