"İmtahanda iştirak etmiş bu qədər şagirddən heç kəs maksimum bal toplaya bilmədi"

K.Əsədov bildirib ki, açıqlanan nəticələr göstərir ki, regionlarda şagirdlər yeni imtahan modelinə tam şəkildə hazır deyil:

"İmtahanda iştirak etmiş 28 634 nəfər şagirddən heç kim maksimum bal toplaya bilməyib. Amma aprelin 7-də keçirilmiş buraxılış imtahanında iştirak etmiş 27 660 nəfər şagirddən 2-si onlara təqdim olunmuş bütün tapşırıqlara düzgün cavab verib və maksimum nəticə - 300 bal toplamışdı.

7 aprel imtahanı Bakı şəhərini, 14 aprel isə bölgələri əhatə edirdi. Nəticə göstərir ki, regionlarda şagirdlər yeni imtahan modelinə tam şəkildə hazır deyil və yeni test tapşırığı modellərini mənimsəməyiblər.

Ümumilikdə 7 və 14 apreldə keçirilən imtahanda iştirak edən 56 294 şagirddən 2 nəfəri maksimum nəticə göstərib ki, bu da çox aşağı nəticədir.

Buraxılış imtahanında (qəbul imtahanının birinci mərhələsində) abituriyentlərə tədris dili fənnindən 30, riyaziyyat fənnindən 25, xarici dil fənnindən 30 tapşırıq olmaqla, ümumilikdə 85 tapşırıq təqdim olunur. Bu mərhələdə fənlərinin hər biri üzrə toplanıla biləcək maksimal bal 100, ümumi yekun bal isə 300-dür”.