Ağdamda 17 yaşlı yeniyetmə intihar edib.
Bakupost.az xəbər verir ki, hadisə rayonun Orta Qərvənd kəndində qeydə alınıb.
Belə ki, kənd sakini, 2004-cü il təvəllüdlü Məmmədov Şəfayət Elmin oğlu yaşadığı evin həyətində yerləşən tövlədə özünü asaraq intihar edib. Onun meyiti ailə üzvləri tərəfindən aşkar edilib.
Hadisə yerində hüquq-mühafizə orqanlarının əməkdaşları cəlb olunub. İlkin məlumata görə, 11-ci sinif şagirdinin intiharına buraxılış imtahanından az bal yığması səbəb olub.
Faktla bağlı araşdırma aparılır. // "Qafqazinfo"