"İndoneziya Qarabağ məsələsində Azərbaycanı dəstəkləyəcək" - Səfir

"İndoneziya Azərbaycanı bütün məsələlərdə dəstəkləyir". BakuPost-un məlumatına görə, bunu media nümayəndələri ilə görüşdə İndoneziyanın Azərbaycandakı səfiri Hüsnan Bəy Fənani deyib. Səfir qeyd edib ki, ölkəsi hər zaman Azərbaycanı Dağlıq Qarabağ məsələsində dəstəkləyib və dəstəkləyəcək: "İndoneziya Azərbaycanın ərazi bütövlüyünü tanıyır və məsələnin sülh yolu ilə həllini istəyir. İndoneziya hər zaman bu məsələdə Azərbaycanın yanında olacaq".