Ru
14:10 / 23 Fevral 2020

İranda zəlzələ zamanı 36 nəfər xəsarət alıb - YENİLƏNİB

1525
İranın Qərbi Azərbaycan əyalətində baş vermiş zəlzələ nəticəsində xəsarət alanların sayı artıb.

Bunu İran Təcili Tibbi Yardım Təşkilatının sözçüsü Müctəba Xalidi deyib.

M.Xalidi bildirib ki, Xoy şəhərinin Qətur bölgəsində 5,7 maqnitudalı zəlzələ zamanı 36 nəfər xəsarət alıb.

M. Xalidi deyib ki, zəlzələ yerli vaxtla saat 9:22 radələrində yerin 6 kilometr dərinliyində baş verib. Daha sonra 13 afteşok qeydə alınıb.

İran Təcili Tibbi Yardım Xidmətinin rəhbəri qeyd edib ki, Xoy şəhərinin 25 kəndində evlərə 20-90 faiz civarında ziyan dəyib, bəzi evlər dağılıb.

***

İranda baş verən güclü zəlzələ zamanı bir neçə nəfər xəsarət alıb.

İranın Fövqəladə Hallar Təşkilatının sözçüsü Müctəba Xalidi rəsmi mətbu orqana açıqlamasında bildirib ki, Qərbi Azərbaycan əyalətində təbii hadisə zamanı 25 nəfər xəsarət alıb.

Qərbi Azərbaycan valisi Məhəmməd Mehdi Şəhriyari isə yaralılardan birinin vəziyyətinin ağır olduğunu qeyd edib. İran mətbuatının məlumatına görə, zəlzələ 43 kənddə evlərə ciddi zərər vurub.

Qeyd edək ki, İranda zəlzələ 5,7 (bəzi məlumatlara görə 5,9) maqnitudada qeydə alınıb.
Şərhlər
Bizi telegram-da izləyin
Bizi facebook-da izləyin
Bizi tiktok-da izləyin
Bizi youtube-da izləyin





Son xəbərlər
Çox oxunanlar
Son xəbərlər