Azərbaycan mədəniyyətinə daha bir itki üz verib.
"Ulduz" filmində Ulduz, "Böyük dayaq"da Maya obrazlarını canlandıran aktrisa və pianoçu Tamilla Rüstəmova vəfat edib. O. uzun sürən xəstəlikdən sonra dünyasını dəyişib.
Qeyd edək ki, Tamilla Rüstəmova Azərbaycanın görkəmli bəstəkarı Səid Rüstəmovun ailəsində 1936-cı ildə dünyaya göz açmışdır. O, 1959-cu ildə Qnesinalar adına Musiqi institutunun "fortepiano" ixtisası üzrə bitirib. Həmin il institutun tələbəsi olan vokalçı Olgerd Krastınşa ərə gedərək Riqaya köçüb. Bir neçə bədii filmdə yadda qalan obrazlar yaratmışdır. Onun ən yaddaqalan obrazları Ulduz və Maya bacıdır.