""Omicron" yayılarsa, vaksinin effektivliyi azalacaq" - İnfeksionist

Bildirilir ki, "Omicron" ştammı çox yüksək qlobal risk yaradır və bəzi regionlarda ağır nəticələrə səbəb ola bilər.

Təşkilat 194 üzv dövlətə texniki məsləhət verərək, onları əhalinin yüksək həssas qruplarının vaksinasiyasını sürətləndirməyə çağırıb.

Məsələ ilə bağlı Bakupost.az –ın suallarını infeksionist Mərdan Əliyev cavablandırıb.

“Elmi adı “B.1.1.529” olan yeni ştamm (“Omicron) haqqında hələki ətraflı məlumat yoxdur. Virusun klinik gedişi çox ağır deyil, hətta “Delta” variantından daha yüngüldür. Amma fərqlilik yaşana bilər. Çünki virus hər ölkədə müxtəlif formalarda davam edir.

Məsələn, Afrikada günəş faktoru var. “D” vitamini orada daha yüksəkdir deyə virus yüngül keçirilə bilər. Yeni ştamm peyvənd olunmamış şəxslərdə aşkarlanıb. Ona görə də peyvənd olunanlara, bu virusun necə təsir göstərdiyi məlum deyil. Güman olunur ki, vaksinin effektivliyi azalacaq. Çünki bunun “spayk” proteinində dəyişikliklər var. Peyvənd isə “spayk” proteinə görə hazırlanır. Bu mutasiya “spayk” proteini üçün böyükdür.

Əgər vaksinin effektivliyi azalarsa, o halda peyvəndlərdə müəyyən dəyişikliklərin aparılmasına ehtiyac olacaq.

Əlavə edim ki, yeni çıxan “molnupiravir” dərmanının da eyni təsir göstərdiyi deyilir.

Yeni ştammın başqa xüsusiyyətləri və vaksinin tam olaraq hansı formada təsir göstərməsi hələki məlum deyil. Amma panikaya düşməyə ehtiyac yoxdur. Ən azından bilirik ki, bu ştamm çox ağır gedişli deyil. Ola bilər ki, yoluxuculuq qabiliyyəti yüksək olsun. Amma bəzən mutasiyalar pis yox, yaxşıya doğru gedir. Ümid edirik ki, bu virus, insan orqanizminə öyrəşməsilə əlaqədar olan bir mutasiyadır”.

"Bütün mutasiyalar və əlaqəli ştammlar üzrə yoxlamalara başlanılıb. Ölkəyə xaricdən daxil olan, həmçinin ölkə ərazisində kluster tipli yoluxma görülən və şübhəli bilinən bütün nümunələr toplanılır və analiz edilir. Müvafiq yoxlamalarda hələ yeni ştamm aşkarlanmayıb.

BakuPost