Ru
13:57 / 19 Avqust 2020

Kürdəmirdə reyd - 50 nəfər cərimələndi

1897

Dövlət Yol Polisi (DYP) Kürdəmir rayonunda reyd keçirib.

"BakuPost" xəbər verir ki, reydin keçirilməsində məqsəd yol-nəqliyyat hadisələrinin qarşısını vaxtında almaq və sürücülərlə profilaktiki söhbətlər aparmaqdır.

DYP əməkdaşları rayon ərazisində hərəkətin tənzimlənməsi məqsədilə karantin rejiminin qaydalarına əməl etməklə sürücülərlə profilaktiki söhbətlər aparıb və onlara yol hərəkəti qaydalarına ciddi şəkildə riayət etməsini məsləhət görüb.

Bununla belə, reyd zamanı qaydaları pozan, o cümlədən sürücülük vəsiqəsi olmadan avtomobili idarə edən, təhlükəsizlik kəmərini taxmayan, avtomobilə konstruksiya əlavə edən sürücülərə də rast gəlinib. Qaydaları kobud şəkildə pozan sürücülər yol polisləri tərəfindən cərimələnib.

Reyd zamanı 100-ə yaxın avtomobil saxlanılıb və onların 50-si barəsində İnzibati Xətalar Məcəlləsinin müvafiq bəndinə əsasən protokollar tətbiq olunub.
Şərhlər
Bizi telegram-da izləyin
Bizi facebook-da izləyin
Bizi tiktok-da izləyin
Bizi youtube-da izləyin





Son xəbərlər
Çox oxunanlar
Son xəbərlər